أحيانا كثير بتلاقي نفسك وسط مجموعة من الناس وواحد منهم بيتكلم بلا هواده وعمال يرغي ويدخل في موضوع وقبل ما ينهيه يدخل في موضوع تاني وعمال يتكلم ويتكلم ويكون اغلب الكلام بدون فائده بدون نفع للموجوديين وحتى غير مسلى ولا مقبول وتجد نفسك تشعر بالملل والضجر لأنك ربما لا تريد ان تسمع ما يقوله او لأنك تريد الكلام و الشخص الرغاي ده مش مديلك فرصه ...........
وأحيانا اخري تكون في وسط مجموعة وفي دماغك موضوع مهم وتريد اجابة من احد الاشخاص وتجده لا يعبأ او لا يتكلم ويلتزم الصمت و انت في حاجه لتسمع رد عليك وفي الحاله دي بيكون الصمت قاتل بالنسبه لك ...................
فأحيانا انت تتكلم فتندم وفي مواقف أخرى صمت فندمت وكان لازم في موقف الكلام تتكلم والموقف المحتاج السكوت تسكت . مدح الصمت الكثيرين وقالوا فيه الامثال الشعبيه زي لو كان الكلام من فضه فالسكوت من ذهب وعلى العكس ذم كثيريين الاشخاص الصموتيين بكلمات سيئه زي الشخص ده مبيتكلمش ليه أخرس هو ولا ايه ....
فأيهما أفضل السكوت أم الكلام ؟
لما فكرت في الموضوع ده كتير لقيت أن الكلام من ذهب أذا كان في مكانه الصحيح والسكوت من ذهب لو كان في مكانه الصحيح ...مثال للصمت لو جالك واحد صاحبك وعايز يكلمك في موضوع مهم أفتح ودانك وأصمت وأسمع وأفهم فربما بأستماعك اليه تكون خففت حملا من عليه
ومن ناحية الكلام لو رأيت مظلوم امامك وانت في مقدورك ان تنقظه بكلمه منك وصمت فهنا صمتك قاتل ومؤذي بالنسبه لذلك الانسان وقاتل بالنسبه لك اذا كنت شخص ذو ضمير .
اذا كنت في ساحه نقاش علمي او في اطار عملك نقاش مهم يخص عملك ومستقبلك وتتطلب الحاله الكلام لازم تتكلم وكلامك يكون مفهوم واضح بلا لبس وفي المقابل اذا كنت في مكان عباده او زورت مجموعه لتأدية واجب عزاء يجب ان تصمت واذا كنت غير قادر في الحالتين فعليك ان تدرب نفسك.
علم نفسك عوّد نفسك متى تتكلم ومتى تصمت متى يكون كلامك نافعا ومتى يكون سكوتك نافعا وأعلم دائما ان الانسان الناجح يعرف متى يتكلم ويعرف متى يصمت .
انا قمت اضافة ذلك الموضوع لسبب مهم لأنه اثر على في تجربه من اهم تجارب حياتي .وهحكيها لو عشنا قريبا
..................................
